Витаминка на саемот во Шангај

Барајќи нови можности за проширување на пазарите, Витаминка своите производи ги изложи на најважното случување во прехранбената индустрија, саемот СИАЛ, во Кина. На трите саемски дена, исполнети со бројни случувања во насока на унапредување на продажбата и презентацијата, Витаминка уште еднаш успеа да се претстави со квалитет, препознатливост и идентитет на Стоби флипс, Цевитана, Атлантис и останатите брендови. Витаминка, веќе неколку пати има направено испораки на производи во Кина.

 

„Втора година сме присутни на овој саем затоа што нуди премногу можности и во однос на самиот кинески пазар, којшто со бројки ги надминува сите останати, но исто така и во однос на саемските случувања, она што им се нуди на учесниците и концентрацијата на присутни учесници од другите сродни индустрии. Во досегашното наше искуство со СИАЛ, Шангај, истото два пати ни се потврдило и затоа многу сме посветени на ова саемско претставување и секогаш изложувањето ни е проследено со иновативна и креативна презентација, како би се издвоиле и истакнале“, изјави Љупчо Велески, директор на сектор Извоз во Витаминка.

 

Витаминка е редовно застапена на саемските манифестации низ целиот свет, каде со воспоставување на директен контакт со дистрибутери, ланци на маркети но исто така и со самите потрошувачи, отвора нови пазари и го лоцира клучниот чекор во развојната стратегија на компанијата.

 

СИАЛ се одржува во кинеската финансиска и економска престолнина, Шангај и претставува најголем саем во Азија и четвртата најголема изложба на иновации во прехранбената индустрија во светот. Бројките за оваа година ги надминуваат сите останати со 3 400 изложувачи, од приближно 70 земји и 110 000 професионалци од индустријата присутни на саемот.

 

Витаминка на саем во Москва

Витаминка го изложува целокупниот свој производствен асортиман на најголемата специјализирана саемска манифестација за прехранбена индустрија Worldfood Москва 2018.

Наумоски почесен претседател

Претседателот на Одборот на директори на Витаминка Симон Наумоски е назначен за почесен претседател на УО на регионална канцеларија на Стопанската комора во Прилеп.

Финансиска помош за херојот Марко

Витаминка АД Прилеп издвои финансиска помош за подобри резултати на 12 годишниот Марко Пејчиновски кој го преплива Охридско езеро.